10) INDOVINELLI
Cucù fele
Quenci agn jo de sta
Si queste tére ?
* * *
Cucù de la barbe bianche,
Quenci agn i vòi che scampe?
* * *
Cucù bél., cucù bél
Quenci agn jo de stà
Senz'enel ?
* * *
Cucù ravanél
Quenc'agn ca jo ancu da stà
Prima da meta gi l'anél ?
* * *
Pingun - quenci sun ?
Qual che vòi -- quèst o quèst ?
Nota - Il bimbo presenta le mani chiuse, in una delle quali tiene dei fagiuoli
* * *
Inguina !....
Bestia ca và, ca và
E la strisa dré la cà.
Nota - E' la lumaca, simbolo della donna vana, che porta con sé un intero patrimonio.
11) INVOCAZIONI
Grì, grì, végn fòra,
Che la tu mama la facc ul panchécc.
* * *
Limaja, limaja,
Mèt fòra i còrn,
Sadanùu a vegn u libazò
A tajat via 'l cò.
* * *
Eula, eula di tre galin,
Fa la roda dul me mulin;
Sì la faréi i scamperéi
S' in la faréi mia i craparei.
12) NINNE NANNE
Nanàa, cunchette,
Chi tà face ad daje la tette.
- U ma face le mi mammàa
Ei tucche fam fa nanàa.
* * *
Nanàa, bél bambin:
Quand i saréi grandin
Ad piaròo in caplin:
Fa la nanàa, bél bambin
* * *
O girumetad'la muntagna,
Andem a Dom
A crumpà i naut pupin.
* * *
Fa la nanna pargulin,
Ch'la tu mamma la bat la lùna,
Fa la nanna pargulin.
* * *
Nanàa, naneta,
La tu mama l'endaccia a Messa;
Ul tu pà l'endacc a Dom,
El bambin l'è mért dau ségn.
* * *
Bél ninin, fa pu' nsi
Sadanùu t'im féi murì.
13) ORAZIONI
Signur, mi sunt ul vòst Togn,
Vui sevì cul ca jo bisogn,
In stu mund e in l'aut:
Vag in lécc e dij nut d'aut.
* * *
O Madona Santa Clara,
Imprestém la vostra santa scala,
D'andà in Paradis
A truvà San Diunis.
Ma San Diunis l'èra mort
E nissùn a pregava par cul corp.
A jera dumà u signur cu predicava
E la Madona la suspirava:
La suspirava in ginigiun,
Questa l'é la mi uraziun.
* * *
Un Avmaria par ul nést Signur,
Ch'lè mért si la Crùs,
Sut la Crùsa jè la Madona:
Avmaria par tit i sént
Avmaria par tit quénce.
* * *
A vai a bittam gi,
Ansòo mia sa leverò sì
Sa muris impruvisamènt,
Madona da Re vègnam a rènt:
E ti, Diauli, via da lì,
Madona da Re végn chi cun mì.
* * *
Angel mé, umiltà,
Ul mé cor in castità,
O par sang o par amur
Mi a vègn al me Signur!
S'ajéssan in quai pècca,
Ca n'èssan mai cunfessà
Ni da prèv, ni da frà,
Al cunfessén a vui, mio Dio,
Vera vita e verità:
Mora' l peccà e viva Dio!
* * *
Mi vai in lèt,
Cun Domine in pèt,
Cun Domine magiur
Cun Cristo Salvatur,
Cun la Madona Santa,
Cun l'angial bianc
E l'anima a Dio
La raccumand!
* * *
O Maria picinina,
Gh' as leva si' d matina,
Par lavàas man e vis,
Par andà in Paradis.
In Paradis a jè tanta roba,
Chi ch'ai và us riposa:
All'Infern a jè tanta gènt,
Chi ch' ai và u sta sempar dènt!
* * *
Ul nést car Signur l'è néscoj a Betlem,
Dragn ul bò e l'asinèl
I n'aveva ni fascia ni mantel
Par fascià Gesù bèl.
Gesù bèl, Gesù Maria,
Tit i Sant in cumpagnia:
E la prév all'altar
La santa messa divoti cantar.
A la cantàa ul nést car Signur,
Chi la sà e chi la dis,
Andaran in Paradis:
Chi non la sa e non la vol imprènd,
Is truvaran in fund all'Infern.
Filastrocca Religiosa
14 Opar ad misericordia,
13 Grazi ad Sant'Antuni,
12 Apostul,
11 Dulèent,
10 Cumandament,
9 Purtèi da Roma,
8 I còorp sàant,
7 Dun du Spirit Sàant,
Gài chi cantan,
5 Piàagh dul Signir,
4 Angial,
3 Re Magi,
La lina él sul,
El prim che gni stu mund
L'é stacc ul nést car Signur.
* * *
Signor mio Gesù, vado a letto
Colle mani al petto,
Con la croce alla gola;
- Signore, vi domando tre cose:
La Santa Confessione,
La Santa Comunione,
L'Olio Santo;
E quando l'anima mia spirerà
Ve la lascio con voi per tutta l'eternità !
Nota - L'abbiamo mantenuta nella sua forma popolare, per non togliere il delicato profumo di questa bella preghiera.
* * *
La Madona in l'alba
La fiuris cumé la palma;
La palma la fiuris,
La Madona la parturis
U Redentur a Betlem
Cun i sèt Sacrament.
Dila tri vòt al vènar,
Dila tri vòt al sabat,
Tre vòt u di 'd Natal.
Trimila peccà saran perdunà,
Dila tri dì in drain da murì
La Madona l' ai mandarà gran cunfòrt,
Par l'anima e par al corp.
* * *
Canta, canta piscinin,
Canta, canta s 'in bèl fiur,
L 'è nascì ul Redentur,
L 'è nascì in Betlem
Sant' Jsep al gudarem,
Cun la lina e cun ul sul
Con la grazia du nést car Signur.
Tri angial i cantavan
U Signur u predicava,
La Madona in genigiun
A sentì sta bell'uraziun.
Chi ca la sa, chi ca la dis
Ul dì dul giudizi andrà in Paradis,
Chi ca la sa, e ca n 'an la dis,
Ul dì dul giudizi inderan a ca 'd cul di Curnis !
* * *
Pater nést, picinin, picinin
Cu pò dil in bél matacin,
Santa Stela, Santa Sisana, Sant'Anastasia,
I tre 'd cumpagnia ad la Vergin Maria,
Ina l'am guida, l'auta l'am cumpagna,
L'auta l'am presenta a la Vergin Maria,
Mama di matacitt ad Santa Maria.
- Quand u suna l'Avmaria,
in Pater e in Avmaria,
A j 'anim in agunia.